રિતિક રોશન અભિનિતિ ફિલ્મ કાબિલમાં અંધ યુવતિની શાનદાર ભૂમિકા અદા કરીને ચારેય બાજુ ભારે પ્રશંસા મેળવનાર યામી ગૌતમ હવે શાહિદ કપુરની સાથે બત્તી ગુલ મીટર ચાલુ નામની ફિલ્મમાં કામ કરી રહી છે. તેની પાસે અન્ય કેટલાક પ્રોજેક્ટો પણ રહેલા છે. તે બોલિવુડની સાથે સાથે અન્ય ભાષાની ફિલ્મોમાં કરવાને લઇને કોઇ ખચકાટ અનુભવ કરતી નથી. તેનુ કહેવુ છે કે તે બોલિવુડમાં સારી અને મોટી ભૂમિકા ધરાવતી ફિલ્મો કરવા માટે ઇચ્છુક છે. યામી ગૌતમે પોતાની બોલિવુડ કેરિયરની શરૂઆત વિકી ડોનર ફિલ્મ મારફતે કરી હતી.પરંતુ ત્યારબાદ તેને અપેક્ષિત સફળતા મળી ન હતી. તેની કાબિલ ફિલ્મની ચારેબાજુ પ્રશંસા થઇ હતી. આ ફિલ્મમાં તે સુપરસ્ટાર અભિનેતા પૈકી એક એવા રિતિક રોશન સાથે નજરે પડી હતી. ફિલ્મ બોક્સ ઓફિસ પર રેકોર્ડ સફળતા મેળવી ગઇ હતી. યામી ગૌતમ પોતાની મોટા ભાગની ફિલ્મોમાં ખુબસુરત સ્વીટ ગર્લ તરીકે રજૂ થઇ છે. યામી કહે છે કે તે કોઇ બાંધછોડ કરીને રોલ કરવા માટે તૈયાર નથી. તેનુ કહેવુ છે કે સરકાર-૩ ફિલ્મમાં ગ્રે રોલમાં કામ કરી ચુકી છે. તેનુ કહેવુ છે કે તે એવા રોલ કરવા માટે ઇચ્છુક છે જે એક કલાકારને કરવા માટે પડકાર ફેંકે છે. તેનુ કહેવુ છે કે આધુનિક સમયમાં વર્સેટાઇલ હોવાની બાબત ખુબ જરૂરી છે. કારણ કે દરેક વ્યક્તિ એક એક પ્રકારના રોલ જોઇને બોર થઇ જાય છે. યામી ગૌતમનુ કહેવુ છે કે તે બોલિવુડમાં મોટા સ્ટાર સાથે કામ કરવાને લઇને આશાવાદી છે. રિતિક રોશન સાથે કામ કર્યા બાદ નવી આશા જાગી છે. તે સારી ભૂમિકાવાળી ફિલ્મોને લઇને વ્યસ્ત છે. રિતિક રોશન જેવા મોટા સ્ટાર સાથે વધુ ફિલ્મોમાં કામ કરવા માટે પણ તે આશાવાદી છે. તેનુ કહેવુ છે કે સારા રોલ મેળવી લેવા માટે તે સતત પ્રયાસ કરી રહી છે. મહેનત પણ કરી રહી છે.
યામી ગૌતમ શાહિદ કપુર સાથે નવી ફિલ્મમાં દેખાશે
