એક મહત્વપૂર્ણ ઘટનાક્રમમાં સુપ્રીમ કોર્ટ બેંચની રચના કરવા અને મહત્વપૂર્ણ કેસોની ફાળવણી કરવાને લઇને ભારતના ચીફ જસ્ટિસની સત્તાઓને રેગ્યુલેટ કરવાની માંગ કરતી અરજી ઉપર સુનાવણી કરવા સહમત થઇ ગઇ છે. જાણિતા વકીલ શાંતિભૂષણ દ્વારા આ અરજી દાખલ કરવામાં આવી છે. જસ્ટિસ એકે શિકરી અને અશોક ભૂષણની બનેલી બેંચે કહ્યું છે કે, આ મામલામાં સુનાવણી કરવામાં આવનાર છે. કોલેજિયમને કેસોની ફાળવણીને લઇને હાલમાં પ્રશ્નો ઉભા થઇ રહ્યા છે. બીજી બાજુ ભૂષણ તરફથી ઉપસ્થિત રહેલા વરિષ્ઠ એડવોકેટ દુષ્યંત દવે, કપિલ સિબ્બલ અને પ્રશાંત ભૂષણ માટે ઉપસ્થિત રહેલા વકીલોએ રજૂઆત કરી હતી કે, સીજેઆઈ દિપક મિશ્રાના નેતૃત્વમાં કેસોની પક્ષપાતી ફાળવણીના દાખલા હાલમાં સપાટી ઉપર આવી રહ્યા છે જેના કારણે વિખવાદની સ્થિતિ સર્જાઈ છે.
પાછલી પોસ્ટ
