એન્ફોર્સમેન્ટ ડિરેક્ટોરેટે આઈએનએક્સ મિડિયા મની લોન્ડરિંગ કેસના સંદર્ભમાં પૂર્વ નાણામંત્રી અને કોંગ્રેસના વરિષ્ઠ નેતા પી ચિદમ્બરમના પુત્ર કાર્તિ ચિદમ્બરમ સામે નવેસરથી સમન્સ જારી કર્યું છે. ૧૫મી ફેબ્રુઆરીના દિવસે આ કેસના સંબંધમાં તપાસ અધિકારી સમક્ષ ઉપસ્થિત થવા કાર્તિ ચિદમ્બરમને કહેવામાં આવ્યું છે. તપાસ સંસ્થાએ અગાઉ બીજી ફેબ્રુઆરીના દિવસે સમન્સ જારી કર્યું હતું. ત્યારબાદ કાર્તિએ કહ્યું હતું કે, તેઓ એ તારીખે ઉપસ્થિત થઇ શકશે નહીં. કારણ કે, આ કેસમાં સુપ્રીમ કોર્ટમાં એક અરજી પેન્ડિંગ થયેલી છે. ૧૮મી જાન્યુઆરીના દિવસે આ કેસના સંદર્ભમાં ઇડી દ્વારા આકરી પુછપરછ કાર્તિની કરવામાં આવી હતી. તપાસકારો દ્વારા અનેક આક્ષેપો તેમની સામે કરવામાં આવી ચુક્યા છે. કાર્તિની તકલીફ હાલ ઓછી થાય તેવા સંકેત દેખાતા નથી.
આઈએનએક્સ મિડિયા પ્રકરણમાં કાર્તિ ચિદમ્બરમ સામે નવેસરથી સમન્સ જારી
