ફેસબુક દરરોજ પોતાના યૂઝર્સ માટે કોઇને કોઇ નવા ફિચર્સ લઇને આવે છે. સૂત્રોનુસાર ફેસબુક ટૂંક સમયમાં ટીવી શો લોન્ચ કરશે. ફેસબુક જૂનમાં મધ્ય સુધી લગભગ ૨ ડઝન ટીવી શો લોન્ચ કરશે. એક રિપોર્ટ અનુસાર કંપની બે પ્રકારનો પ્રોગામ પર કામ કરી રહી છે.આ પ્રોગામમાં કેટલાક નેટફ્લિક્સના પ્રોગામના આધારે મોટા બજેટના પ્રોગામ હશે. જ્યારે બીજા ૫ થી ૧૦ મિનિટ સુધીના નાના પ્રોગામ હશે. આ પ્રોગામને ફેસબુકના વીડિયોમાં ટેબમાં જોઇ શકાશે. ફેસબુક ટૂંક સમયમાં નવા વીડિયો ટેબ પોતાની એપમાં લાવશે. તાજેતરમાં ફેસબુકે વીઆર ડેટિંગ શો લોન્ચ કર્યો છે. આ શોની મદદથી લોકો એકબીજાને મળ્યા પહેલા વીઆરની મદદથી વર્ચુઅલ મુલાકાત કરી શકશે.રિપોર્ટ અનુસાર ફેસબુક યુવાનોને ધ્યાનમાં રાખીને આ કાર્યક્રમો બનાવશે. આ ક્ષેત્રમાં ફેસબુકને સ્નેપચેટની કોમ્પિટિશન કરવી પડશે. કેમકે સ્નેપચેટ પહેલાથી આ શોની મદદથી લોકોને એટ્રેક્ટ કરે છે. ફેસબુકના આ ફિચરને પ્રીમિયમ ટીવી નામ આપવામાં આવ્યું છે. પ્રીમિયમ ટીવીથી ફેસબુક વધારેમાં વધારે કૉમર્શિયલ એડની સાથે જોડાવવા ઇચ્છે છે, જેથી કંપનીને વધારે રેવેન્યુ મળે શકે.
ફેસબુક પર જોઇ શકાશે ટીવી પ્રોગામ્સ, જલ્દી થશે લોન્ચ
