Aapnu Gujarat
રાષ્ટ્રીય

ઉત્તર પ્રદેશનાં એટામાં ટ્રક નહેરમાં ઉતરી જતાં ૧૪નાં મોત

ઉત્તર પ્રદેશના એટામાં ગમખ્વાર રોડ અકસ્માતમાં ૧૪ લોકોના કરુણ મોત નિપજ્યાં છે જ્યારે ૨૪ જેટલા લોકો ઘાયલ થયા છે. ઘાયલોને જલેસર સીએચસીમાં દાખલ કરવામાં આવ્યાં છે. આ ઉપરાંત ગંભીર રીતે ઘાયલ થયેલા લોકોને આગરાના એસએન મેડિકલ કોલેજમાં રેફર કરવામાં આવ્યાં છે.
મળતી માહિતી મુજબ એક ટ્રકમાં સવાર લોકો આગરામાં તિલક સમારોહમાં હાજરી આપીને પાછા ફરી રહ્યાં હતાં. આ દરમિયાન એટાના જલેસર પાસે ટ્રક નહેરમાં ઉતરી ગઈ હતી. ટ્રકમાં સવાર ૧૪ લોકોના ઘટનાસ્થળે જ મોત નિપજ્યાં હતાં. જ્યારે ઘાટલ ૨૪ લોકોને હોસ્પિટલમાં દાખલ કરાયા છે. જ્યાં તેમની સારવાર ચાલી રહી છે. કહેવાય છે કે ડ્રાઈવરને ઝોકું આવી જતા આ અકસ્માત સર્જાયો હતો.
અકસ્માત બાદ લોકોએ પોલીસ વિરુદ્ધ સૂત્રોચ્ચાર કર્યો અને ટ્રાફિક જામ પણ કરી નાખ્યો હતો. લોકોનું કહેવું છે કે અકસ્માતના લગભગ કલાક બાદ પોલીસ ઘટનાસ્થળે પહોંચી હતી. ગ્રામિણોનો એ પણ આરોપ છે કે પોલીસકર્મીઓએ રાહત અને બચાવ કાર્ય યોગ્ય રીતે કર્યું નથી. જો સમયસર બચાવકાર્ય કરાયું હોત તો આટલા બધા લોકોના મોત ન થાત.

Related posts

શરદ પવાર મહાભારતના ‘શકુનીમામા’ઃ પૂનમ મહાજન

aapnugujarat

ટ્રાફિકના નિયમ તોડનારા ચેતી જજો

editor

રાજપૂત નેતાની જાહેરાત, ભણસાલી તેમની માતા પર ફિલ્મ બનાવશે

aapnugujarat

Leave a Comment

URL