ભારતની દિગ્ગજ મહિલા બોક્સર એમસી મેરીકોમે વધુ એક ઈતિહાસ રચતા એશિયન ચેમ્પિયનશિપમાં પાંચમો ગોલ્ડ મેડલ જીત્યો હતો. મેરીકોમે ૪૮ કિલો વર્ગમાં આ મેડલ પોતાના નામે કર્યો હતો પરંતુ સોનિયા લાથેરને (૫૭ કિલો) સિલ્વર મેડલથી સંતોષ માનવો પડ્યો હતો. આ સાથે જ ચેમ્પિયનશિપમાં ભારતે એક ગોલ્ડ, એક સિલ્વર અને પાંચ બ્રોન્ઝ મેડલ જીત્યા હતા.પાંચ વખતની વર્લ્ડ ચેમ્પિયન અને ઓલિમ્પિક્સ બ્રોન્ઝ મેડલ વિજેતા મેરીકોમે ફાઈનલમાં નોર્થ કોરિયાની કિમ યાંગ મિને સર્વાનુમતે ૫-૦થી પરાજય આપ્યો હતો અને વધુ એક ગોલ્ડ મેડલ પોતાના નામે કર્યો હતો. જોકે, વર્લ્ડ ચેમ્પિયનશિપમાં સિલ્વર મેડલ વિજેતા સોનિયાનો ફાઈનલમાં પરાજય થયો હતો અને આ ટુર્નામેન્ટમાં તે બીજી વખત રનર્સ અપ રહી હતી. સોનિયા ફાઈનલમાં ચીનની યિન જુનહુઆ સામે હારી ગઈ હતી.મેરીકોમે એશિયન ચેમ્પિયનશિપમાં પોતાની ગોલ્ડન કૂચ જારી રાખી છે. આ ટુર્નામેન્ટમાં ભારતીય બોક્સરનો દબદબો છે અને તેણે છ ફાઈનલમાં પાંચ ગોલ્ડ જીત્યા છે. જ્યારે એક વખત તેને સિલ્વરથી સંતોષ માનવો પડ્યો હતો. મેરીકોમે ૨૦૦૩, ૨૦૦૫, ૨૦૧૦ અને ૨૦૧૨ની એશિયન ગેમ્સમાં પણ ગોલ્ડ મેડલ જીત્યા હતા.
પાછલી પોસ્ટ