દેશના કોઈ પણ એરપોર્ટ પર હવે નિયમ તોડતાં પહેલાં ૧૦૦ વખત વિચારજો, કારણ કે હવે તમારે તોતિંગ દંડ ચૂકવવો પડશે. એરપોર્ટ ઓથોરિટી ઓફ ઈન્ડિયાએ તાજેતરમાં દંડની રકમ ૧૦થી ૨૫ ટકા વધારી દીધી છે. જેમ કે અત્યાર સુધી નો પાર્કિંગ ઝોનમાં ગાડી પાર્ક કરવા પર રૂ. ૨૦૦નો દંડ વસૂલ કરવામાં આવતો હતો અને હવે આ રકમ ૧૫ ગણી વધારીને રૂ. ૩૦૦૦ કરવામાં આવી છે. એજ રીતે એરપોર્ટ પર પાન, ગુટકા થૂંકવા પર રૂ. ૨૦૦નો દંડ લાગતો હતો જે હવે ૧૦ ગણો વધારીને રૂ. ૨,૦૦૦ કરવામાં આવ્યો છે. ઓપરેશન એરિયામાં કચરો ફેંકવા પર અત્યાર સુધીમાં રૂ. ૫૦૦નો દંડ લાગતો હતો તે હવે રૂ. ૫,૦૦૦ કરવામાં આવ્યો છે. પેસેન્જર ટ્રોલીનો મિસ યુઝ કરવા માટે દંડની રકમ રૂ. ૨૦૦ હતી તે વધારીને હવે રૂ. ૨,૦૦૦ કરાઈ છે. ડ્યૂટી પર તહેનાત સ્ટાફ સાથે ગેરવર્તાવ કરવા માટે રૂ. ૨૦૦નો દંડ ચૂકવવો પડતો હતો તે વધારીને હવે રૂ. ૨,૦૦૦ કરવામાં આવ્યો છે. એરપોર્ટ પર કોઈ પણ પ્રકારની ખોટી હરકત કરવા પર રૂ. ૨૦૦નો દંડ લાગતો હતો જે હવે રૂ. ૫,૦૦૦ કરાયો છે. એરપોર્ટ પર રોંગ સાઈડમાં વાહન ચલાવવા માટે રૂ. ૨૦૦ દંડ ચૂકવવો પડતો હતો, તેના બદલે હવે રૂ. ૫,૦૦૦ ચૂકવવા પડશે.
એરપોર્ટ પર હવે નિયમ તોડશો તો ૨૫ ગણા સુધી દંડ ચૂકવવો પડશે
