ભારતમાં છેલ્લા કેટલાક સમયથી સરકાર બુલડોઝરથી ન્યાય તોળતી હોય તેવી સ્થિતિ છે જેમાં કેસ ચાલે તે પહેલાં આરોપીઓના ઘર બુલડોઝરથી તોડી પાડવામાં આવે છે. ચીફ જસ્ટિસ ચંદ્રચૂડે વિદાય લેતા પહેલાં અંતિમ ચુકાદામાં આવા બુલડોઝર રાજની ટીકા કરી છે. તેમણે કહ્યું કે દેશમાં બુલડોઝર ન્યાય સ્વીકાર્ય નથી. ચીફ જસ્ટિસ ડીવાય ચંદ્રચૂડે નિવૃત્તિ પહેલાં મહત્ત્વના આદેશો અને ચુકાદા આપ્યા છે. બુલડોઝર એક્શનને વખોડતાં તેમણે કહ્યું કે, કાયદાના શાસન હેઠળ બુલડોઝરનો ન્યાય સ્વીકાર્ય નથી. જો તેની મંજૂરી આપવામાં આવે તો આર્ટિકલ 300 એ અંતર્ગત સંપત્તિના અધિકારની બંધારણીય માન્યતા ખતમ થઈ જશે.
દેશમાં બુલડોઝર મારફત ન્યાય કરાય તે સ્વીકાર્ય નથી : CJI
