કેનેડાની ઓળખ વિદેશથી આવતા સ્ટુડન્ટ્સ કે વર્કિંગ પ્રોફેશનલ્સને ભાવભેર વેલકમ કરીને પોતાના જેશમાં જોડી દેવાની રહી છે. બીજા દેશથી લોકો કામની શોધ કરતા કરતા કેનેડા પહોંચતા હતા, જેમાં ભારતીયોની સંખ્યા સૌથી વધુ રહી હતી. પરંતુ હવે કેનેડા ઇમિગ્રન્ટ્સ માટે મુશ્કેલ જગ્યા બનતું જઈ રહ્યું છે. કેનેડા પહોંચનારા વિદેશીઓને હવે કામ મળવામાં પણ મુશ્કેલીઓનો સામનો કરવો પડી રહ્યો છે. કેનેડિયન કંપનીઓએ ભરતીની ગતિ પણ ધીમી કરી દીધી છે. કેનેડિયન નેશનલ સ્ટેટેસ્ટિક એજન્સીએ શુક્રવારે જણાવ્યું હતું કે ઓગસ્ટમાંકામ કરતા ઉંમરના લોકોની સંખ્યામાં 96,400ની વૃદ્ધિ થઈ ગઈ છે. દેશની લેબર ફોર્સમાં 82,000થી વધુ લોકો સામેલ થઈ ગયા છે, પરંતુ રોજગારમાં માત્ર 22,100ની વૃદ્ધિ થઈ ગઈ છે.
કેનેડામાં નોકરીઓની સંખ્યામાં સતત ઘટાડો થઈ રહ્યો છે જેના કારણે દેશમાં બેરોજગારીનો દર સતત વધી રહ્યો છે. પ્રાપ્ત આંકડાઓ પ્રમાણે ગત ત્રણ મહિનામાં કેનેડાની અર્થ વ્યવસ્થાએ દર 6 લોકો સામે માત્ર 1 જ નોકરીની વેકેન્સી ઊભી થાય છે એ ડેટા રજૂ કર્યો હતો. આ એક વર્ષની અંદર સતત ઘટી રહ્યો છે. વર્ષની શરૂઆતની સાથે આની તુલના કરવામાં આવે તો આ ઘણો મોટો ઘટાડો નોંધાયો છે. એ સમયે એવો હતો જ્યારે નોકરીઓની સંખ્યા પણ સતત વધી રહી હતી.
ગત વર્ષે 15 વર્ષથી ઓછી ઉંમરના લોકોની સંખ્યામાં 11 લાખની વૃદ્ધિ થઈ છે. બ્લૂમ્બર્ગના રિપોર્ટ પ્રમાણે લગભગ 50 ટકા લોકો એવા છે જેઓ અત્યારે કેનેડામાં નોકરી માટે વલખા મારી રહ્યા છે. હવે આમાંથી પણ અડધા ભાગના લોકોને જ નોકરી મળી છે જ્યારે બીજા લોકો રહ્યા તેઓ બેરોજગારીનો સામનો જ કરી રહ્યા છે. આ આંકડાઓ મહામારીના પહેલાના 20 વર્ષોથી પણ ઘણા અલગ છે, જ્યારે કેનેડામાં દર વર્ષે કામ કરવા માટે યોગ્ય એજ લિમિટમાં એન્ટર કરતા લોકોની સંખ્યા 20 હજારથી 5 લાખની વચ્ચે વધતી જ રહે છે. અગાઉન કેનેડામાં એવા હાલાત હતા કે એવરેજ જોવા જઈએ તો બે તૃતિયાંશ લોકોએ નોકરીની શોધ શરૂ કરી હોય તો બધાને નોકરી મળી જતી હતી. પરંતુ ધીમે ધીમે ઇમિગ્રન્ટ્સની સંખ્યા વધી અને કેનેડાના જોબ માર્કેટમાં મોટાપાયે ક્રાઈસિસ આવવાનું શરૂ થઈ ગયું હતું. Indeed પર જોબ પોસ્ટિંગમાં ગત વર્ષની તુલનામાં 23 ટકા ઘટાડો નોંધાયો છે.
