Aapnu Gujarat
ગુજરાત

અમદાવાદ શહેરમાં શાકભાજીનાં ભાવ આસમાને પહોંચતા લોકોનું બજેટ ખોરવાયું

અમદાવાદ શહેરમાં અત્યારે શાકભાજીનાં ભાવ આસમાને પહોંચી ગયા છે. 40 ટકા સુધીનો ભાવ વધારો થતા લોકોને મોટો ફટકો પડ્યો છે. ગરીબ અને મિડલ ક્લાસ પરિવારનું બજેટ અત્યારે જોવાજઈએ તો સંપૂર્ણરીતે ખોરવાઈ ગયું છે. છેલ્લા ઘણા સમયથી ગુજરાતમાં હિટવેવની સ્થિતિ સર્જાઈ હતી. જેના પરિણામે હવે શાકભાજીનાં ડિસ્ટ્રિબ્યુશનમાં શોર્ટેજ જોવા મળી રહી છે. એટલું જ નહીં અમદાવાદની જ વાત લઈએ તો અહીં સૌથી વધુ 46.6 ડિગ્રી તાપમાન નોંધાયું હતું. આના લીધે હવે શાકભાજીનો જથ્થો ઓછો આવી રહ્યો છે અને સીધી અસર ભાવ પર પડી રહી છે.

અમદાવાદ શહેરમાં અત્યારે ફ્રેન્ચ બીન્સના ભાવ 370 રૂપિયે કિલો પહોંચી ગયા છે. જ્યારે અન્ય લીલા શાકભાજી પૈકી પાલક, ગુવારના ભાવ પણ આસમાને પહોંચી ગયા છે. તે પણ અત્યારે માર્કેટમાં 130 રૂપિયાથી 200 રૂપિયે કિલો વેચાઈ રહ્યા છે. આની સાથે જ લસણ અને આદુના ભાવ પણ રિટેઈલ માર્કેટમાં 250 રૂપિયે કિલોને પાર પહોંચી ગયા છે. આ વચ્ચે ડુંગલી, ટામેટા, બટાકાના ભાવ 75, 65 અને 60 રૂપિયે કિલો યથાવત રહ્યા છે. હવે આ ભાવ વધારાને કારણે મિડલ ક્લાસ તથા ગરીબ પરિવારોના બજેટ પર મોટો ફટકો પડી ગયો છે.

એગ્રીકલ્ચર પ્રોડ્યુસ માર્કેટ કમિટી (APMC), અમદાવાદના વેપારીઓએ મહારાષ્ટ્ર, કર્ણાટક અને આંધ્રપ્રદેશ જેવા અન્ય રાજ્યોમાંથી શાકભાજીની ખરીદી કરવી પડે છે. આ પ્રદેશોમાં વધારાના પરિવહન ખર્ચ અને ઓછા પુરવઠાને કારણે ભાવમાં વધારો થયો છે. APMC અમદાવાદના સેક્રેટરી સંજય પટેલે જણાવ્યું હતું કે “દરરોજ સરેરાશ 15,000થી 20,000 મેટ્રિક ટન શાકભાજી શહેરના માર્કેટમાં આવે છે. તેમાં હવે 30%નો ઘટાડો થયો છે. સપ્લાય ફક્ત દક્ષિણના રાજ્યો દ્વારા ચલાવવામાં આવે છે કારણ કે ગુજરાતમાં ચોમાસા દરમિયાન વાવેતર અટકાવવામાં આવશે. પટેલના જણાવ્યા અનુસાર, ગુજરાતમાં ચોમાસું સેટ થયાના પખવાડિયા પછી જ શાકભાજીનો સ્થાનિક પુરવઠો ફરી શરૂ થશે, જેના કારણે ભાવમાં ઘટાડો થશે.

“શાકભાજીના ભાવમાં એકંદરે વધારો એ મોસમી ઘટના છે પરંતુ ઘરનું બજેટ ખોરવી નાખે છે. અમે હવે અત્યારે જે બજેટ પ્લાન કર્યું છે એમાં ફેરફાર કરવા માટે મજબૂર બની ગયા છે. APMC અમદાવાદના એક વરિષ્ઠ સભ્યએ નામ ન આપવાની શરતે જણાવ્યું હતું કે, “ડુંગળી, બટાકા અને ટામેટાંના ભાવ પ્રમાણમાં સ્થિર રહ્યા છે અને આગામી દિવસોમાં તે વધી શકશે નહીં. અમે જુલાઇના મધ્ય પછી જ ઊંચા ભાવથી રાહતની અપેક્ષા રાખીએ છીએ.”

Related posts

साबरमती जेल में कैदी को मिलती वीडियो कॉलिंग की सुविधा बंद होगी

aapnugujarat

૭૫ નગરપાલિકાની ચૂંટણી માટે ૧૭મીએ મતદાન થશે

aapnugujarat

સુરતમાં આઠમા ધોરણના વિદ્યાર્થીને શિક્ષકે ઢોર માર માર્યો, બેભાન હાલતમાં આઈસીયુમાં ખસેડાયો

aapnugujarat
UA-96247877-1