Aapnu Gujarat
રાષ્ટ્રીય

NEETની પરીક્ષામાં ગરબડના મામલે સંસદમાં મુદ્દો ઉઠાવાશે : RAHUL GANDHI

નરેન્દ્ર મોદી સરકાર આજે શપથ લેવાની છે પરંતુ આ દરમિયાન દેશમાં મેડિકલ કોલેજોમાં એડમિશન માટેની NEETની પરીક્ષાનો મુદ્દો ગાજ્યો છે. આ વખતના પરિણામોમાં ઘણા ગોટાળા થયા હોય તેવી વાતો થઈ છે અને પરીક્ષાને રદ કરવા માટે પણ માગણી કરવામાં આવે છે. બીજી તરફ ઓથોરિટીનું કહેવું છે કે માત્ર 6 સેન્ટરને લઈને શંકા છે તેથી લાખો સ્ટુડન્ટના ભવિષ્યને દાવ પર લગાવી શકાય નહીં. કોગ્રેસના નેતા રાહુલ ગાંધીએ નીટના મુદ્દે સરકારને ઘેરવાની જાહેરાત કરી છે. તેમણે કહ્યું કે તેઓ સંસદમાં આ મુદ્દો ઉઠાવશે. રાહુલ ગાંધીએ NEETના મુદ્દાને એક સ્કેમ ગણાવ્યો છે.

રાહુલ ગાંધીએ ટ્વિટર પર લખ્યું કે મોદીએ હજુ શપથ પણ નથી લીધા ત્યાં NEETની એક્ઝામે 24 લાખથી વધારે સ્ટુડન્ટ અને તેમના પરિવારોના જીવન અસ્તવ્યસ્ત કરી નાખ્યા છે. એક જ એક્ઝામ સેન્ટરના છ સ્ટુડન્ટે આ પરીક્ષાને ટોપ કરી છે અને મહત્તમ માર્ક મેળવ્યા છે. ઘણા લોકોને એવા માર્ક મળ્યા છે જે ટેકનિકલી શક્ય નથી. પરંતુ સરકાર પેપર લિકની શક્યતાને સતત નકારી રહી છે.
રાહુલ ગાંધીએ કહ્યું કે દેશમાં એજ્યુકેશન માફિયા અને સરકારી મશીનરી સાથે મળીને આ સ્કેમ ચલાવે છે. અમારા મેનીફેસ્ટોમાં અમે શપથ લીધા છે કે કાયદો ઘડીને અમે સ્ટુડન્ટને પેપર લિકમાંથી બચાવીશું.

તેમણે આ મુદ્દો લોકસભામાં ઉઠાવવાની વાત કરીને કહ્યું કે આજે હું દેશના તમામ સ્ટુડન્ટને ભરોસો આપું છું કે અમે સંસદમાં આ મુદ્દો ઉઠાવવાના છીએ. આ દેશના યુવાનોએ ઈન્ડિયામાં ભરોસો વ્યક્ત કર્યો છે અને તેમના અવાજને દબાવવામાં નહીં આવે. નીટની પરીક્ષા લેતી નેશનલ ટેસ્ટિંગ એજન્સીએ નીટની એક્ઝામમાં 67 સ્ટુડન્ટને ટોપર્સ જાહેર કર્યા છે જેના કારણે ઘણા વિદ્યાર્થીઓ અને તેના પરિવારજનો વિરોધ કરી રહ્યા છે.

તેમણે આ પરીક્ષા ફરીથી લેવાની તથા પેપર ફરીથી ચેક કરવાની માગણી કરી છે. સ્ટુડન્ટ્સનો આરોપ છે કે ચોક્કસ એક્ઝામ સેન્ટરના સેંકડો વિદ્યાર્થીઓને બેફામ ગ્રેસ માર્ક્સ આપવામાં આવ્યા છે. જ્યારે એનટીએ આ આરોપોને નકારે છે. આરોપોના કારણે શિક્ષણ મંત્રાલયે ગ્રેસ માર્ક્સની સમીક્ષા કરવા માટે એક સમિતિની રચના કરી છે.

Related posts

ટીએમસીએ પ્રશાંત કિશોરની જવાબદારી ૨૦૨૬ સુધી લંબાવી

editor

ચિદમ્બરમનાં ‘ભીખ માંગવું એ રોજગાર’વાળા નિવેદન પર બીજેપીનો પલટવાર

aapnugujarat

कर्नाटक बाढ़ : ढाई किमी तैरकर बेंगलुरु तक पहुंचा मुक्केबाज

aapnugujarat
UA-96247877-1