Aapnu Gujarat
ગુજરાત

એરપોર્ટ પર ઈલીગલ કેબ-રિક્ષાચાલકોનો ત્રાસ વધ્યો

અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પર ઈલીગલ રિક્ષા અને ટેક્સી ડ્રાઈવર્સનો ત્રાસ વધી ગયો છે. જેના કારણે એરપોર્ટ ઓથોરિટીએ પણ આ સમસ્યાનો ઉકેલ લાવવાનું કહ્યું છે. અમદાવાદ એરપોર્ટ ઓથોરિટીએ રિજનલ ટ્રાન્સપોર્ટ ઓફિસ (RTO)ને એરપોર્ટ પર ગેરકાયદેસર ઓટો રિક્ષાઓ અને ટેક્સી ચાલકો સામે કડક પગલાં લેવા માટે ઔપચારિક વિનંતી કરી છે. એરપોર્ટ સુરક્ષા કર્મચારીઓ અને ડ્રાઈવરો વચ્ચે ઘણી વખત તકરાર અને મારામારી થયા બાદ આ પગલું લેવામાં આવ્યું છે. આ ઘટનાઓ એરપોર્ટ પર આવતા મુસાફરોની સલામતી અંગે ગંભીર ચિંતાઓ ઉભી કરે છે. એરપોર્ટ ઓથોરિટીના જણાવ્યા અનુસાર સિક્યોરિટી સ્ટાફ અને ઓટોરિક્ષા, કેબ અને ટેક્સી ડ્રાઈવરો વચ્ચે વારંવાર તકરાર થતી રહે છે. જેમાં વાત ઘણી વખત મારામારી સુધી પહોંચી જતી હોય છે. તેથી આ સમસ્યાના ઉકેલ માટે ટ્રાન્સપોર્ટ વિભાગ અને RTOને એક પત્ર લખવામાં આવ્યો હતો, જેમાં તેમને લાયસન્સ વગરના અને અનઓથોરાઈઝ્ડ ડ્રાઈવરોને ઓળખવા અને તેમને દંડ ફટકારવા માટે સરપ્રાઈઝ ચેકિંગ હાથ ધરવા વિનંતી કરવામાં આવી હતી.

એરપોર્ટના સૂત્રોએ જણાવ્યું હતું કે, છેલ્લા છ મહિનામાં સિક્યોરિટી સ્ટાફ અને રિક્ષા ચાલકો વચ્ચે ઝઘડાની 10થી 12 ઘટનાઓ બની છે. આ રિક્ષા કે કેબ ડ્રાઈવર્સમાં અસામાજિક તત્વો છે જેઓ ઘણીવાર દારૂના નશામાં હોય છે અને તેમની પાસે વાહનના યોગ્ય દસ્તાવેજો કે પછી લાયસન્સ પણ નથી હોતું. આ માત્ર મુસાફરો માટે જ જોખમ નથી પરંતુ સુરક્ષા માટે પણ ખતરો છે. સિક્યોરિટી ગાર્ડ જ્યારે દરમિયાનગીરી કરે છે ત્યારે આ વાહનચાલકો આક્રમક બની જાય છે. એરપોર્ટના એક અધિકારીએ જણાવ્યું હતું કે આવા તત્વો સામે તપાસ અને કાર્યવાહી કરવી જરૂરી છે અને તેથી તેમણે ગાંધીનગર ટ્રાન્સપોર્ટ વિભાગ અને RTO સુધી સંકલિત સરપ્રાઈઝ ચેકિંગ કરવા માટેની માંગ કરી છે.

આ અંગે RTOના એક અધિકારીએ જણાવ્યું કે આવી કામગીરી માટે ટ્રાફિક પોલીસનો સાથ હોવો મહત્ત્વપૂર્ણ છે. અધિકારીએ જણાવ્યું હતું કે, અમને ગાંધીનગરથી ઓર્ડર મળતાની સાથે જ અમે ટ્રાફિક પોલીસ સાથે મળીને એરપોર્ટ પર તપાસ કરીશું. બીજી તરફ ઓટોરિક્ષા અને કેબ ટેક્સી એસોસિયેશનનું કહેવું છે કે, તાજેતરના વર્ષોમાં એરપોર્ટ પર પાર્કિંગ ચાર્જમાં નોંધપાત્ર વધારો થયો છે, જે ચૂકવવા માટે મુસાફરો તૈયાર નથી. એસોસિયેશનના એક પ્રતિનિધીએ જણાવ્યું હતું કે, આનાથી મુસાફરો સાથે તકરાર થાય છે અને અમારી આવકમાં ઘટાડો થાય છે. અમે તમામ નિયમોનું પાલન કરી રહ્યા છીએ અને એરપોર્ટ ઓથોરિટીને પાર્કિંગ ફી ઘટાડવા વિનંતી કરી છે.

Related posts

ત્રાસવાદસામે કાર્યવાહી કોંગ્રેસને પસંદ નથી : છોટાઉદેપુરમાં શિવરાજના પ્રહારો

aapnugujarat

વડોદરાના ફતેપુરા ખાતે કોમી હિંસા : સામ સામે પથ્થરમારો

aapnugujarat

શ્રીરામનવમીની ભકિતભાવ સાથે કરાયેલી ભવ્ય ઉજવણી

aapnugujarat
UA-96247877-1