Aapnu Gujarat
મનોરંજન

રવિના ટંડન સાથે મુંબઈમાં મારામારી

એક જમાનામાં “મસ્ત મસ્ત ગર્લ” તરીકે ઓળખાયેલી બોલિવૂડની એક્ટ્રેસ રવિના ટંડન સાથે મુંબઈના બાંદ્રા એરિયામાં મારામારીની ઘટના બની છે. રવિના ટંડનના ડ્રાઈવરે કોઈ પરિવારની ત્રણ મહિલાઓને ટક્કર મારી હતી જેના કારણે લોકોના ટોળાએ તેમને ઘેરી લીધા હતા જેમાં રવિના ટંડન પર પણ હુમલો થયો હોવાનું કહેવાય છે. અત્યાર સુધીમાં મળેલી માહિતી પ્રમાણે આ રસ્તા પર વાહનની ટક્કરના કારણે થયેલો ડખો લાગે છે. પ્રાથમિક માહિતી પ્રમાણે રવિના ટંડનના ડ્રાઈવરે એક પરિવારના ત્રણ સભ્યોને વાહનની ઠોકર મારતા તેમને ઈજા થઈ હતી પછી લોકોનું ટોળું દોડી આવ્યું હતું જેમાં રવિના ઉપર પણ હુમલો થયો હતો.

આ મામલે એવી ફરિયાદ પણ થઈ છે કે ઘટના બની ત્યારે રવિના ટંડન પણ શરાબના નશામાં હતી અને તેણે એક મહિલા પર હુમલો કર્યો હતો. એક વીડિયોમાં જોઈ શકાય છે કે રવિના ટંડન એક ટોળાને વિનંતી કરી રહી છે કે કોઈને મારો નહીં. તે ટોળાને એવું કહેતી સંભળાય છે કે “હું જાણું છું કે તેને લોહી વહે છે. મારા ડ્રાઈવરને ટચ ન કરો. હું રિક્વેસ્ટ કરું છું. પ્લીઝ આવું ન કરો.”

રવિના ટંડન પોતાના ડ્રાઈવરને બચાવવાનો પ્રયાસ કરતી હતી ત્યારે ટોળું વારંવાર રવિના અને તેના ડ્રાઈવર પર હુમલો કરતું હોય તેવું જોવા મળે છે. ટોળામાંથી એક વ્યક્તિ સવાલ કરે છે કે તમારો ડ્રાઈવર શા માટે ભાગી ગયો? તેણે મારા ઉપર હુમલો કર્યો છે. મારા નાકમાંથી લોહી વહી રહ્યું છે. તમારા ડ્રાઈવરને અમારી સામે લાવો.

આ કેસમાં ફરિયાદીનું નામ મોહમ્મદ છે અને તે બાંદ્રા એરિયામાં રહે છે. તેણે આરોપ મૂક્યો છે કે રવિના ટંડન શરાબના નશામાં હતી અને તેણે એક મહિલાને ગાળો આપી હતી અને તેના પર હુમલો કર્યો હતો. તેનો દાવો છે કે હું ખાર પોલીસ સ્ટેશને ફરિયાદ લખાવવા ગયો પરંતુ પોલીસે રવિના ટંડન સામે ફરિયાદ લખવાની ના પાડી દીધી હતી.

પોલીસનું કહેવું છે કે શનિવારે મોડી રાતે બાંદ્રા વેસ્ટમાં કાર્ટર રોડ પર રિઝવી કોલેજ પાસે આ ઘટના બની હતી. રવિના ટંડનની કારે ત્રણ મહિલાને ટક્કર મારી હતી જેમાં એક મહિલા, તેની દીકરી અને તેની ભત્રીજીને ઈજા થઈ હતી. ત્યાર બાદ રોડ પર મારામારી શરૂ થઈ ગઈ હતી. રવિનાનો ડ્રાઈવર કારમાંથી નીચે ઉતર્યો અને તેણે મહિલાઓને અપશબ્દો બોલવાનું શરૂ કરી દીધું. તેના કારણે એક ટોળું એકઠું થઈ ગયું અને ડ્રાઈવર પર હુમલો કરવામાં આવ્યો.

આ દરમિયાન રવિના પણ કારમાંથી નીચે ઉતરી અને તે પોતાના ડ્રાઈવરને બચાવવાનો પ્રયાસ કરવા લાગી. ટોળાએ રવિના સાથે પણ બદતમીઝી કરી અને તેના પર હુમલો કર્યો તેના કારણે રવિના પોતાના ડ્રાઈવરનો છોડી દેવા માટે વિનંતી કરતી હતી. જોકે, ટોળાએ રવિના પર હુમલો ચાલુ રાખ્યો હતો. હાલમાં ખાર પોલીસ આ ઘટનાની તપાસ કરી રહી છે.

Related posts

અમિતાભ બચ્ચને આસામ પૂર પીડિતો માટે ૫૧ લાખનું દાન આપ્યું

aapnugujarat

कॉमेडी एक गंभीर बिजनेस है : कृति

aapnugujarat

રિતિક રોશનની સાથે ફિલ્મ મળતા વાણી ખુશ

aapnugujarat
UA-96247877-1