Aapnu Gujarat
બિઝનેસ

હવે ક્વિક કોમર્સ સેક્ટરમાં ખળભળાટ મચાવવા તૈયાર છે રિલાયન્સ

મુકેશ અંબાણીની રિલાયન્સ ઈન્ડસ્ટ્રીઝ ઝોમેટોની બ્લિંકિટ, ટાટા ગ્રૂપની બિગબાસ્કેટ, સ્વિગીની ઈન્સ્ટામાર્ટ અને ઝેપ્ટોને ટક્કર આપવા માટે ક્વિક કોમર્સ સેગમેન્ટમાં એન્ટ્રી કરવા માટે તૈયાર છે. સૂત્રોએ અમારા સહયોગી ટાઈમ્સ ઓફ ઈન્ડિયાને જણાવ્યું હતું કે, રિલાયન્સ રિટેલની JioMart આવતા મહિનાની શરૂઆતમાં પોતાની સર્વિસ શરૂ કરી શકે છે. જિયો માર્ટ શરૂઆતમાં ઓછામાં ઓછા સાતથી આઠ જેટલા શહેરોમાં કરિયાણાની ડિલિવરી કરશે અને બાદમાં 1,000થી વધુ શહેરોને આવરી લેવા માટે પોતાની સર્વિસને વ્યાપક બનાવશે. કંપની તેની 90 મિનિટમાં ગ્રોસરી ડિલિવરી સેવા જિયોમાર્ટ એક્સપ્રેસ બંધ કર્યાના એક વર્ષ પછી આ નવી સર્વિસ શરૂ કરવા જઈ રહી છે. સૂત્રોએ જણાવ્યું હતું કે, કંપની હવે 30 મિનિટની અંદર ડિલિવરી પૂરી કરવાની યોજના ધરાવે છે. જોકે, આ અંગે રિલાયન્સે હજી સુધી કોઈ પ્રતિક્રિયા આપી નથી.

અત્યારે JioMart ગ્રાહકોને સ્લોટેડ અને નેક્સ્ટ-ડે ડિલિવરી વિકલ્પો ઓફર કરે છે. સમય જતાં JioMart પણ ક્વિક કોમર્સ દ્વારા નોન-ગ્રોસરી વસ્તુઓની ડિલિવરી કરશે. સૂત્રોએ જણાવ્યું હતું કે, આ તે જગ્યા છે જ્યાં તે રિલાયન્સ રિટેલના 18,000 થી વધુ સ્ટોર્સમાં તમામ કેટેગરી અને ફોર્મેટમાં અસરકારક રીતે ટેપ કરી શકે છે. કંપનીની વ્યૂહરચનાથી વાકેફ એક સૂત્રએ જણાવ્યું હતું કે, JioMart હાઈપર લોકલ ઓમ્ની-ચેનલની હાજરી પર ધ્યાન કેન્દ્રિત કરે છે અને દેશભરમાં ગ્રાહકોની નજીક સ્થિત હજારો સ્ટોર્સમાંથી તેના ગ્રાહકોને સેવા આપવાનું ચાલુ રાખે છે. ક્વિક કોમર્સમાં રિલાયન્સનો પ્રવેશ આ સ્પેસમાં સ્પર્ધાને વધુ તીવ્ર બનાવશે અને વર્તમાન કંપનીઓએ રિલાયન્સની સમગ્ર ભારતમાં પહોંચ સાથે સંઘર્ષ કરવો પડશે. હાલમાં બ્લિંકિટ લગભગ 40-45% બજાર હિસ્સા સાથે ક્વિક કોમર્સમાં આગળ છે.

Related posts

जियो प्लेटफार्म्स को फेसबुक से 9.99 प्रतिशत हिस्सेदारी के बदले मिली 43,574 करोड़ रुपये

editor

Gautam Adani એશિયામાં બીજા નંબરના સૌથી ધનવાન ઉદ્યોગપતિ બન્યાં

editor

ગ્રાહકોને મોકલવામાં આવતા એસએમએસનો પણ ૧૫ રૂપિયા ચાર્જ વસુલે છે બેંક !

aapnugujarat
UA-96247877-1