Aapnu Gujarat
રાષ્ટ્રીય

1 ઓક્ટોબરથી 20 ટકા TCS લાગુ

પહેલી ઓક્ટોબર 2023થી TCS એટલે કે ટેક્સ કલેક્શન એટ સોર્સના નવા રેટ અમલમાં આવી રહ્યા છે. તેના કારણે લોકોએ વિદેશમાં જે કોઈ ખર્ચ થાય તેના પર જંગી ટેક્સ ચુકવવાની તૈયારી રાખવી પડશે. વિદેશ પ્રવાસ, ફોરેન એજ્યુકેશન, વિદેશમાં ડેબિટ કાર્ડ કે ક્રેડિટ કાર્ડથી પેમેન્ટ, અન્ય પેમેન્ટ વગેરે એક લિમિટથી વધારે હશે તો 20 ટકા સુધી TCS ચૂકવવાની તૈયારી રાખવી પડશે.

વિદેશમાં તમે મૂડી રોકાણ કરો અથવા વિદેશી શેર કે મ્યુચ્યુઅલ ફંડમાં રોકાણ કરો તેના પર પણ TCS લાગશે. આ માટે વાર્ષિક લિમિટ સાત લાખ રૂપિયા નક્કી કરવામાં આવી છે. તેનાથી ઉપર જે પેમેન્ટ થાય તે ટીસીએસને આધિન રહેશે.

લિબરલાઈઝ્ડ રેમિટન્સ સ્કીમ હેઠળ તમે વિદેશથી એક વર્ષમાં 2.50 લાખ ડોલર સુધી સ્વદેશ મોકલાવી શકો (રેમિટન્સ કરી શકો) છો. વિદેશમાં મોકલવામાં આવેલી તમામ રકમ માટે ઓક્ટોબરથી 7 લાખની લિમિટ હશે. આખા વર્ષમાં 7 લાખ રૂપિયાથી વધારે રકમ મોકલાય તો તેના પર 20 ટકા TCS લાગુ પડશે. તેમાંથી મેડિકલ અને એજ્યુકેશનના હેતુ માટે મોકલાયેલી રકમ બાકાત છે.

એજ્યુકેશન માટે તમે એક વર્ષમાં 7 લાખ રૂપિયા સુધી બહાર મોકલો તો તેના પર કોઈ TCS નથી. પરંતુ કોઈ નાણાકીય સંસ્થામાંથી લોન લઈને એક વર્ષની અંદર એજ્યુકેશન માટે 7 લાખ રૂપિયાથી વધારે રકમ વિદેશ મોકલવામાં આવે તો તેના પર 0.5 ટકા TCS લાગશે. એજ્યુકેશન માટે 7 લાખથી વધારે રકમ રેમિટ કરવામાં આવે અને તે લોન લીધેલી નહીં હોય તો 5 ટકા ટીસીએસ લાગશે.

મેડિકલ ટ્રીટમેન્ટ માટે વિદેશમાં મૂડી ખર્ચવામાં આવે તેના પર 5 ટકાના દરે ટીસીએસ લાગશે અને તેની લિમિટ વાર્ષિક 7 લાખ રૂપિયાની રહેશે. એજ્યુકેશન અને મેડિકલ સારવારને લગતા નાના-મોટા ખર્ચ માટે વિદેશમાં જે રેમિટન્સ કરવામાં આવે તેના માટે એટલો જ ટીસીએસ લાગુ પડશે જે મેડિકલ ટ્રીટમેન્ટ માટે લાગુ પડે છે.
તમે વિદેશી ટુર પેકેજ ખરીદો ત્યારે તેમાં TCSમાં કોઈ રાહત નહીં મળે ભલે પછી તેમાં સાત લાખ રૂપિયા કરતા ઓછો ખર્ચ થયો હોય. તમે એક વર્ષમાં 7 લાખ રૂપિયા સુધીનો વિદેશી ટુર પેકેજ ખરીદશો તો 5 ટકા ટીસીએસ લાગશે અને સાત લાખ રૂપિયાથી વધારે ખર્ચ થશે તો તેના પર 20 ટકા ટેક્સ લાગશે.
વિદેશમાં મૂડી રોકાણ માટે રેમિટન્સ કરવામાં આવે તો સાત લાખ સુધીના રોકાણ પર 20 ટકા TCS લાગશે. પરંતુ એક વર્ષમાં શેર કે મ્યુચ્યુઅલ ફંડ માટે 7 લાખથી વધારે ખર્ચ કરવામાં આવે તો તે વધારાની રકમ પર પણ 20 ટકા ટેક્સ લાગશે. તેમાં પ્રોપર્ટી, ક્રિપ્ટોકરન્સી, મ્યુચ્યુઅલ ફંડ કે શેરમાં થયેલું રોકાણ સામેલ છે. જોકે, તમે વિદેશી શેરોમાં એક્સપોઝર ધરાવતા ડોમેસ્ટિક મ્યુચ્યુઅલ ફંડમાં મૂડી રોકશો તો તેના પર TCS લાગુ નહીં થાય. વિદેશમાં ક્રેડિટ કાર્ડના ટ્રાન્ઝેક્શન પર કોઈ TCS લાગુ નહીં થાય. પરંતુ ડેબિટ કાર્ડ કે ફોરેક્સ કાર્ડથી પેમેન્ટ કરશો તો 7 લાખ રૂપિયા સુધીના વાર્ષિક પેમેન્ટ પર 20 ટકા TCS ભરવો પડશે.

Related posts

ભાજપને ફટકો : શિવસેના લોકસભા – વિધાનસભા ચૂંટણી સાથે મળીને ચૂંટણી નહીં લડે

aapnugujarat

सरकार ने बैंक ऑफ महाराष्ट्र में 831 करोड़ रुपये की पूंजी डाली

editor

રોબર્ટ વાડ્રાની મની લોન્ડ્રિંગના કેસમાં ૮ માર્ચે પૂછપરછ કરાશે

aapnugujarat
UA-96247877-1