દિલ્હીના શાહબાદ ડેરી વિસ્તારમાં રવિવારે એક 16 વર્ષની છોકરીને ચાકુના ઘ મારીને મોતને ઘાટ ઉતારી દેવામાં આવી હતી. એ પછી હત્યારાએ તેને પથ્થરથી છૂંદી કાઢી હતી. આ સમગ્ર ઘટના નજીકના સીસીટીવી કેમેરામાં કેદ થઈ ગઈ હતી. ત્યારે આવી જ એક ઘટના સુરતમાંથી સામે આવી છે. જ્યાં એક ક્રૂર બાપે પોતાની જ સગી પુત્રીને છરીના 25 જેટલાં ઘા મારીને હત્યા કરી નાખી હતી. આ ઘટના બાદ સમગ્ર વિસ્તારમાં ચકચાર મચી જવા પામી છે. જો કે, એવા પણ રિપોર્ટ સામે આવ્યા છે કે, આ હત્યાનો કિસ્સો 12 દિવસ જૂનો છે. ત્યારે પોલીસે પણ આ મામલે ગુનો નોંધીને આગળની કાર્યવાહી હાથ ધરી છે.
સુરતમાં સગા બાપે જ પોતાની દીકરીને છરીના 25 ઘા મારીને મોતને ઘાટ ઉતારી હોવાની ઘટના સામે આવી છે. ક્રૂરતાપૂર્વક કરવામાં આવેલી હત્યાનો આ વિડીયો સોશિયલ મીડિયામાં ખૂબ જ વાયરલ થઈ રહ્યો છે. સુરતના કડોદરા વિસ્તારમાં ગઈ 18 મેના રોજ આ બનાવ બન્યો હોવાના રિપોર્ટ સામે આવ્યો છે. ઘરમાં કોઈ કારણોસર વિવાદ થતા સગો બાપ પુત્રી અને પત્ની પર તૂટી પડ્યો હતો. સગા બાપે છરીથી બંને પર હુમલો કર્યો હતો. સગા બાપે પુત્રી પર છરીથી 25 જેટલાં ઘા માર્યા હતા. જે બાદ પુત્રીનું મોત નીપજ્યું હતું. તો આ હુમલામાં પત્નીને પણ ઈજાઓ પહોંચી હતી.
