સરકાર કોલ ઈન્ડિયા (Coal India)માં ત્રણ ટકા હિસ્સો વેચવા જઈ રહી છે. તમારી પાસે રસ્તામાં આ સરકારી કંપનીના શેર ખરીદવાની તક છે. સરકારે બુધવારે કોલ ઈન્ડિયામાં ત્રણ ટકા હિસ્સો વેચવાનો પ્રસ્તાવ મૂક્યો. આ હિસ્સો એક જૂનથી ઓફર ફોર સેલ (OFS) માધ્યમથી વેચવામાં આવશે. કંપનીએ શેરબજારને જણાવ્યું કે, રિટેલ અને નોન-રિટેલ રોકાણકારો 1 અને 2 જૂન દરમિયાન ઓફર ફોર સેલ અંતર્ગત શેર ખરીદી શકશે. કોલ ઈન્ડિયાએ કહ્યું કે, પ્રસ્તાવ અંતર્ગત કંપનીની 9.24 કરોડ શેર એટલે કે 1.5 ટકા ભાગીદારી વેચવામાં આવશે. તે ઉપરાંત, વધારે બોલી (ઓવર સબસ્ક્રિપ્શન) આવવા પર, એટલું જ વધુ વેચાણ કરવાનો વિકલ્પ (green shoe option) રાખવામાં આવ્યો છે.
ઓએફએસ માટે ફ્લોર પ્રાઈસ 225 રૂપિયા પ્રતિ શેર રાખવામાં આવી છે. જે શેરની હાલની કિંમત કરતા 6.7 ટકા ઓછી છે. કોલ ઈન્ડિયાનો શેર બુધવારે 1.20 ટકાના ઘટાડા સાથે 241.20 રૂપિયા પર બંધ થયો હતો. છેલ્લા એક વર્ષમાં કોલ ઈન્ડિયાના શેરમાં લગભગ 23 ટકાનો ઉછાળો આવ્યો છે. કોલ ઈન્ડિયાના શેરનો 52 સપ્તાહનું હાઈ લેવલ 263.30 રૂપિયા છે. કંપનીની ત્રણ ટકા હિસ્સાની કિંમત લગભગ 4000 કરોડ રૂપિયા હશે.
