Aapnu Gujarat
રમતગમત

CSK સામે KKRનો 6 વિકેટે વિજય, નીતિશ રાણાની આક્રમક બેટિંગ

ચેપૉકમાં IPL 2023ની 61મી મેચમાં ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે 14 મેના રોજ મેચ રમાઈ હતી. આ મેચ મેહમાન ટીમ કોલકાતા નાઈટ રાઈડર્સે જીતી લીધી હતી. આ જીત સાથે નીતિશ રાણાની કેપ્ટનશીપ વાળી કોલકાતા પ્લેઓફની રેસમાં બનેલી છે. આ સાથે નીતિશ રાણાએ કેપ્ટનશિપ મેચ પણ રમી હતી.

ચેન્નાઈ સુપર કિંગ્સના કેપ્ટન મહેન્દ્રસિંહ ધોનીએ કોલકાતા નાઈટ રાઈડર્સ સામે ટોસ જીતીને બેટિંગ કરવાનો નિર્ણય કર્યો હતો. ચેન્નાઈ સુપર કિંગ્સે બેટિંગ કરતા 20 ઓવરમાં 6 વિકેટ ગુમાવીને 144 રન બનાવ્યા હતા. CSKમાંથી શિવમ દુબે સૌથી વધુ રન 48 બનાવીને અણનમ રહ્યો હતો. જ્યારે ડિવોન કોન્વેએ 30 રન બનાવ્યા હતા. આ સિવાય વાત કરીએ કોલકાતાના બોલરની તો, સુનીલ નરેને સૌથી સફળ બોલર રહ્યો હતો. નરેને 4 ઓવરમાં 15 રન આપીને 2 વિકેટ ઝડપી હતી. જ્યારે વરુણ ચક્રવર્તીએ બે વિકેટ ઝડપી હતી. વૈભવ અરોડા અને શાર્દુલ ઠાકુરે 1-1 વિકેટ ઝડપી હતી.
145 રનનો ટાર્ગેટનો પીછો કરતા કોલકાતા નાઈટ રાઈડર્સની શરૂઆત સારી રહી ન હતી. કોલકાતાના ટોપ ઓર્ડર બેસ્ટમેન જેસન રૉય, રહમાનુલ્લાહ ગુરબાઝ અને વેંકટેશ અય્યર 35 રનની અંદર અંદર આઉટ થઈને પવેલિયન પરત ફર્યા હતા. પરંતુ કેપ્ટન નીતિશ રાણા અને ફોર્મમાં ચાલી રહેલા રિંકૂ સિંહે ગેમ સંભાળી હતી અને દમદાર પ્રદર્શન કર્યું હતું. બંને બેસ્ટેમેનોએ સાથે મળીને CSKના બોલરોને ધોઈ નાંખ્યા હતા. રિંકૂ અને નીતિશ રાણાએ 99 રનની પાર્ટનરશિપ કરી હતી. બંનેની જોરદાર પાર્ટનશિપને કારણે KKR 6 વિકેટે આ મેચ જીતી લીધી હતી. કોલકાતા તરફથી સૌથી વધુ 57 રન નીતિશ રાણાએ બનાવ્યા હતા. જ્યારે રિંકૂ સિંહે પણ 54 રન ફટકાર્યા હતા. ચેન્નાઈ સુપર કિંગ્સ તરફથી માત્ર દીપક ચહર જ વિકેટ લઈ શક્યો હતો. દીપક ચહરે 3 ઓવરમાં 27 રન આપીને 3 વિકેટ ઝડપી હતી.

Related posts

Jonty Rhodes Applied for fielding coach of Team India

aapnugujarat

હવે જોકોવિક ઓલટાઇમનો હાઇએસ્ટ પેઇડ ટેનિસ સ્ટાર

aapnugujarat

इमरान ताहिर ने अकेले दम पर टीम को मजबूत किया : डू प्लेसिस

aapnugujarat

Leave a Comment

UA-96247877-1