ધોરણ-10માં ભણતા વિદ્યાર્થીઓ માટે ગુજરાત માધ્યમિક અને ઉચ્ચત્તર માધ્યમિક બોર્ડે મહત્ત્વપૂર્ણ નિર્ણય લીધો છે. તેમણે વિદ્યાર્થીઓને સરળ અને અઘરુ એટલે બેઝિક અને સ્ટાન્ડર્ડ ગણિત પસંદ કરવાના 2 વિકલ્પ ઉપલબ્ધ કરાવ્યા છે. તેવામાં આગામી દિવસોમાં આયોજિત પરીક્ષામાં વિદ્યાર્થીઓને સારા વિકલ્પો મળી શકશે. તેવામાં 90 ટકા વિદ્યાર્થીઓએ બેઝિક એટલે કે સરળ ગણિત શીખવાને પ્રાધાન્ય આપ્યું છે. નોંધનીય છે કે અત્યારે અભ્યાસમાં ઘણા વિદ્યાર્થીઓ ગણિતમાં સરળ વિકલ્પ પસંદ કરી પરીક્ષા આપવા જઈ રહ્યા છે. તેવામાં જણાવી દઈએ કે આ પ્રમાણેનો વિકલ્પ પસંદ કર્યા પછી તેઓ કેવી રીતે આગળ સાયન્સમાં A વિકલ્પ પસંદ કરી શકે અથવા તેમનું ભવિષ્ય કયા ક્ષેત્રે બનાવી શકે છે.
મીડિયા રિપોર્ટ્સ પ્રમાણે અત્યારે આંકડા સામે આવ્યા છે કે 10માં ધોરણમાં ભણતા વિદ્યાર્થીઓએ કયો વિકલ્પ પસંદ કર્યો છે. જેમાં બેઝિક ગણિતમાં 8,00,886 લોકોએ પસંદગી કરી છે. જ્યારે બીજી બાજુ સ્ટાન્ડર્ડ ગણિતમાં 81,481 વિદ્યાર્થીઓએ પોતાનું નામ નોંધાવી વિષય પસંદ કર્યો છે. 2022ની વાત કરીએ તો તે સમયે 6,70,355 વિદ્યાર્થીઓએ બેઝિક ગણિત તથા 1,10,797 વિદ્યાર્થીઓએ સ્ટાન્ડર્ડ ગણિત ભણવાનું પસંદ કર્યું હતું.
નોંધનીય છે કે ગત રિઝલ્ટની વાત કરીએ તો બેઝિક ગણિતમાં કુલ 4,59,992 જેટલા વિદ્યાર્થીઓ પાસ થયા હતા. જ્યારે બીજી બાજુ સ્ટાન્ડર્ડ ગણિતમાં 1,02,540 વિદ્યાર્થીઓ પાસ થયા હતા. અંદાજે 92.63 ટકા જેટલું પરિણામ આવ્યું હતું. બેઝિક ગણિતમાં તે સમયે 2 લાખથી વધુ વિદ્યાર્થીઓ નાપાસ થયા હતા. ત્યારે બીજીબાજુ સ્ટાન્ડર્ડ ગણિતમાં 8,163 વિદ્યાર્થીઓ નાપાસ થયા હતા.
ગણિતમાં છેલ્લા ઘણા વર્ષોથી વિદ્યાર્થીઓ નાપાસ થતા આવતા રહે છે. જે આંકડો વધતો જ જતો હતો. ત્યારે આ બાબતને ધ્યાનમાં રાખીને બેઝિક અને સ્ટાન્ડર્ડ એ પ્રમાણેના ગણિતની પસંદગી કરવામાં આવી હતી. જોકે બેઝિક ગણિત પસંદ કર્યું હોય તે A ગ્રુપ નહીં લઈ શકે. તેઓ ડિપ્લોમાં એન્જિનિયરિંગ પસંદ કરી શકે છે.
હવે સવાલ એ ઉભો થાય છે કે જેમણે બેઝિક ગણિત લીધું હોય છતા A ગ્રુપમાં સાયન્સમાં એડમિશન લેવું હોય તે કેવી રીતે લઈ શકે છે. ત્યારે તેમને ફરજિયાત પૂરક પરીક્ષા કે જે જુલાઈમાં લેવાય છે, તેમાં સ્ટાન્ડર્ડ ગણિતનો વિકલ્પ પસંદ કરવો જોઈએ. આને લીધા પછી તેઓ ફરીથી એલિજિબલ થઈ શકે છે. જોકે અત્યારે જે પ્રમાણે આંકડા સામે આવી રહ્યા છે એને જોતા બેઝિક ગણિત સાથે જ વિદ્યાર્થીઓ ધોરણ 10 પાસ કરવા માટે પસંદગી કરી રહ્યા છે.
