પૂર્વ ભારતીય ટીમના કેપ્ટન વિરાટ કોહલીએ મુંબઈમાં વધુ એક ઘર ખરીદ્યું છે. વિરાટ અત્યારે બોર્ડર ગાવસ્કર ટ્રોફીમાં રમી રહ્યો છે. તેવામાં આ આક્રમક બેટરે ઈન્દોર ટેસ્ટ પહેલા અલીબાગમાં લક્ઝૂરિયસ બંગલો ખરીદ્યો છે. વિરાટ કોહલીએ એક દિવસ પહેલા 23 ફેબ્રુઆરીએ મુંબઈના અલીબાગ વિસ્તારમાં 2000 સ્ક્વેર ફૂટનો વિલા ખરીદ્યો છે. કોહલીના આ લક્ઝૂરિયસ બંગલાની કિંમત 6 કરોડ રૂપિયા હોવાનું કહેવાઈ રહ્યું છે.
મુંબઈના લક્ઝૂરિયસ વિસ્તારમાં કોહલીની આ બીજી પ્રોપર્ટી છે. અગાઉ લગ્ન બાદ કોહલી અને પત્ની અનુષ્કા શર્માએ મુંબઈના વર્લી વિસ્તારમાં આવેલા ઓમકાર ટાવર્સમાં ઘર ખરીદ્યું હતું. અલીબાગમાં આવેલી વિરાટની આ પ્રોપર્ટી પણ શાનદાર છે. એક રિપોર્ટ અનુસાર એડવોકેટ મહેશ મ્હાત્રેએ જણાવ્યું કે કોહલીને આ બંગલો તેની પ્રાકૃતિક સુંદરતાના કારણે પસંદ છે.
મહેશ મ્હાત્રે આવાસ લિવિંગ અલીબાગ એલએલપીના કાયદાકીય સલાહકાર છે. તેણે કહ્યું કે વિરાટ કોહલીના ભાઈ વિકાસ કોહલીએ સબ-રજિસ્ટ્રાર ઓફિસમાં ઔપચારિકતા પૂરી કરી છે. કોહલીએ 36 લાખની સ્ટેમ્પ ડ્યુટી ભરી છે. અહીં વિરાટને 400 સ્ક્વેર ફૂટનો સ્વિમિંગ પૂલ પણ મળશે. તમને જણાવી દઈએ કે ઓસ્ટ્રેલિયા સામેની સીરીઝમાં ભારતે 2-0થી લીડ મેળવી લીધી છે. તેણે નાગપુર અને દિલ્હી ટેસ્ટમાં ઓસ્ટ્રેલિયન ટીમને ખરાબ રીતે હરાવી હતી.
તેણે કહ્યું કે વિરાટ કોહલી હાલમાં ઓસ્ટ્રેલિયા સામે ચાલી રહેલી બોર્ડર ગાવસ્કર ટ્રોફી માટે ટીમ ઈન્ડિયા સાથે છે. આવી સ્થિતિમાં તેમની ગેરહાજરીમાં ખરીદીની તમામ પ્રક્રિયા વિરાટ કોહલીના ભાઈએ આખી પ્રક્રિયા પૂરી કરી હતી. અલીબાગમાં કોહલીની આ બીજી પ્રોપર્ટી છે. વિરાટ કોહલી અને પત્ની અનુષ્કા શર્માએ 1લી સપ્ટેમ્બર 2022ના રોજ ગિરાડ ગામમાં 36,059 ચોરસ ફૂટનું આલીશાન ફાર્મહાઉસ 19.24 કરોડ રૂપિયામાં ખરીદ્યું હતું. તે સમયે પણ વિરાટના ભાઈએ આખી પ્રક્રિયા પૂરી કરી હતી.
ટીમ ઈન્ડિયાના પૂર્વ કેપ્ટન વિરાટ કોહલીએ અલીબાગ વિસ્તારમાં ખરીદેલી આ બીજી પ્રોપર્ટી છે. 1 સપ્ટેમ્બર 2022ના રોજ, વિરાટ કોહલી અને પત્ની અનુષ્કા શર્માએ ગિરાડ ગામમાં 36,059 ચોરસ ફૂટમાં ફેલાયેલું ફાર્મહાઉસ રૂ. 19.24 કરોડમાં ખરીદ્યું હતું. તે સમીરા લેન્ડ એસેટ્સ પ્રાઈવેટ લિમિટેડ અને સોનાલી રાજપૂત પાસેથી ખરીદવામાં આવી હતી. ત્યારે પણ વિરાટ કોહલીના ભાઈ વિકાસ કોહલી તેમના વતી અધિકૃત હસ્તાક્ષરકર્તા બન્યા હતા. તે સમયે તેણે રૂ.1.15 કરોડની સ્ટેમ્પ ડ્યુટી ભરી હતી.
