આન્દ્રે રસેલે ઓલરાઉન્ડ પ્રદર્શન કરીને કોલકાતા નાઈટ રાઈડર્સની પ્લેઓફની આશા જીવંત રાખી છે. આઇપીએલની ૬૧મી મેચમાં દ્ભદ્ભઇએ સનરાઈઝર્સ હૈદરાબાદને ૫૪ રનથી હરાવ્યું હતું. હૈદરાબાદની આ સતત પાંચમી હાર છે. દ્ભદ્ભઇની ૧૩ મેચમાં આ છઠ્ઠી જીત છે. બીજી તરફ હૈદરાબાદને ૧૨ મેચમાં ૭મી હાર મળી છે. મેચમાં, દ્ભદ્ભઇ એ પ્રથમ રમતમાં ૬ વિકેટે ૧૭૭ રન બનાવ્યા હતા. રસેલે અણનમ ૪૯ રનની આક્રમક ઇનિંગ રમી હતી. જેના જવાબમાં હૈદરાબાદની ટીમ ૮ વિકેટે ૧૨૩ રન જ બનાવી શકી હતી. આ રીતે પ્લેઓફમાં પહોંચનારી ૩ ટીમો હજુ નક્કી થવાની બાકી છે. અત્યાર સુધી માત્ર ગુજરાત ટાઇટન્સની ટીમ જ નોકઆઉટ રાઉન્ડમાં જગ્યા બનાવી શકી છે. ૭ ટીમો રેસમાં છે, જ્યારે મુંબઈ અને ઝ્રજીદ્ભ બહાર થઈ ગઈ છે. લક્ષ્યનો પીછો કરવા ઉતરેલી સનરાઇઝર્સ હૈદરાબાદની શરૂઆત સારી રહી ન હતી. કેપ્ટન કેન વિલિયમસનનું ખરાબ પ્રદર્શન ચાલુ રહ્યું. તે ૧૭ બોલમાં ૯ રન બનાવીને આન્દ્રે રસેલના હાથે બોલ્ડ થયો હતો. આ પછી ઉતરેલા રાહુલ ત્રિપાઠી પણ મોટી ઇનિંગ રમી શક્યો ન હતો. તે ૧૨ બોલમાં ૯ રન બનાવીને ટિમ સાઉથીનો શિકાર બન્યો હતો. સાઉદીએ તેનો શાનદાર કેચ પોતાના જ બોલ પર પકડ્યો હતો. આ દરમિયાન યુવા ડાબા હાથના બેટ્સમેન અભિષેક શર્માએ ચોક્કસપણે કેટલાક સારા શોટ્સ રમ્યા હતા. હૈદરાબાદનો સ્કોર ૨ વિકેટે ૭૨ રન હતો, પરંતુ ટીમે ૨ ઓવરમાં ૨ વિકેટ ગુમાવી દીધી હતી અને દ્ભદ્ભઇએ મેચ પર પકડ મજબૂત કરી લીધી હતી. ૧૨મી ઓવરમાં વરુણ ચક્રવર્તીએ અભિષેકને આઉટ કર્યો. તેણે ૨૮ બોલમાં ૪૩ રન બનાવ્યા હતા. આ દરમિયાન તેણે ૪ ફોર અને ૨ સિક્સર ફટકારી હતી. બીજી તરફ આક્રમક બેટ્સમેન નિકોલ્સન પૂરન ૧૩મી ઓવરમાં ઓફ સ્પિનર ??સુનીલ નારાયણનો શિકાર બન્યો હતો. તેણે ૩ બોલમાં ૨ રન બનાવ્યા હતા. આ રીતે સ્કોર ૪ વિકેટે ૭૬ રન બની ગયો હતો. એડન મકરમ ૨૫ બોલમાં ૩૨ રન બનાવીને ઉમેશ યાદવના હાથે બોલ્ડ થયો હતો. તેણે ૩ સિક્સર ફટકારી હતી. હૈદરાબાદે છેલ્લી ૫ ઓવરમાં ૭૮ રન બનાવવાના હતા અને ૫ વિકેટ બાકી હતી. આન્દ્રે રસેલે ૧૮મી ઓવરમાં હૈદરાબાદને ૨ ઝટકા આપ્યા હતા. પહેલા તેણે વોશિંગ્ટન સુંદરને આઉટ કર્યો. તેણે ૯ બોલમાં ૪ રન બનાવ્યા હતા. ત્યારબાદ રસેલે આ જ ઓવરમાં એક રનના સ્કોર પર યાનસેનને પેવેલિયન મોકલી દીધો હતો. ૧૯મી ઓવરમાં સાઉદીએ શશાંક સિંહને આઉટ કર્યો હતો. તેણે ૧૨ બોલમાં ૧૧ રન બનાવ્યા હતા. રસેલ છેલ્લી ઓવર નાખી હતી. આ ઓવરમાં ૬ રન બનાવ્યા હતા. રસેલે ૨૨ રનમાં ૩ વિકેટ લીધી હતી. આ પહેલા આન્દ્રે રસેલની તોફાની ઇનિંગ્સ અને સેમ બિલિંગ્સ સાથેની અડધી સદીની ભાગીદારીની મદદથી દ્ભદ્ભઇએ સંઘર્ષપૂર્ણ સ્કોર બનાવ્યો હતો. ફાસ્ટ બોલર ઉમરાન મલિકે ૩૩ રનમાં ૩ વિકેટ લીધી હતી. રસેલ (૨૮ બોલમાં અણનમ ૪૯, ૩ ચોગ્ગા, ૪ છગ્ગા) અને બિલિંગ્સ (૨૯ બોલમાં ૩૪, ૩ ચોગ્ગા, ૧ છગ્ગા)એ છઠ્ઠી વિકેટ માટે ૬૩ રનની ભાગીદારી કરી હતી. વોશિંગ્ટન સુંદરની છેલ્લી ઓવરમાં રસેલે ૩ સિક્સ ફટકારી હતી. આ ઓવરમાં કુલ ૨૦ રન થયા હતા.
આગળની પોસ્ટ