વડાપ્રધાન નરેન્દ્ર મોદી બે દિવસીય G20 સમિટમાં ભાગ લેવા આજે ઈટાલી પહોંચ્યા હતા.PM મોદી G20 શિખર સંમેલનની સાથે સાથે ઘણી દ્વિપક્ષીય બેઠકો યોજે તેવી પણ શક્યતા છે. જેમાં ઇટાલિયન PM મારિયો ડ્રાગી સાથેની એક બેઠક પણ યોજાશે વૈશ્વિક અર્થવ્યવસ્થા, આરોગ્ય, ટકાઉ વિકાસ, પર્યાવરણ અને આબોહવા પરિવર્તન પર ધ્યાન કેન્દ્રિત કરતી સમિટમાં હાજરી આપવા ઉપરાંત, ઘણા રાજ્યોના વડાઓ સાથે બેઠક થવાની સંભાવના છે. સૂત્રોએ દાવો કર્યો હતો કે સમિટના પ્રથમ દિવસે આ પ્રકારની ઓછામાં ઓછી ત્રણ બેઠકો યોજાઈ હતી. PM મોદી આ તકનો ઉપયોગ G20 સમિટમાં ભાગ લેનારા રાષ્ટ્ર તરફથી વધુ સહકાર સુનિશ્ચિત કરવા માટે કરશે.વડા પ્રધાન વહેલી સવારે વેટિકન ખાતે પોપ ફ્રાન્સિસને મળવાના છે.ફ્રાન્સના રાષ્ટ્રપતિ ઈમેન્યુઅલ મેક્રોન સાથે અને ઈન્ડોનેશિયાના રાષ્ટ્રપતિ જોકો વિડોડો સાથે મુલાકાત કરવાના છે.G20 સભ્ય દેશોની સરકારો, યુરોપિયન યુનિયન અને અન્ય આમંત્રિત દેશો અને આંતરરાષ્ટ્રીય સંગઠનો ભાગ લઈ રહ્યા છે.
આગળની પોસ્ટ