મુંબઈની કોર્ટે અશ્લીલ ફિલ્મોના નિર્માણ સાથે જોડાયેલા કેસમાં શુક્રવારે અભિનેતા શિલ્પા શેટ્ટીના પતિ અને ઉદ્યોગપતિ રાજ કુંદ્રા અને તેના સાથી રાયન થોર્પને 27 જુલાઈ સુધી પોલીસ કસ્ટડીમાં મોકલી આપ્યો છે. મુંબઈ પોલીસે શુક્રવારે અભિનેતા શિલ્પા શેટ્ટીના પતિ અને ઉદ્યોગપતિ રાજ કુંદ્રા અને તેના સાથી રાયન થોર્પને મેજિસ્ટ્રેટ કોર્ટ સમક્ષ સાત દિવસની વધુ કસ્ટડીની માંગણી કરી. મુંબઈ પોલીસે કોર્ટને જણાવ્યું હતું કે તેઓને શંકા છે કે અશ્લીલ કમાણી દ્વારા મેળવેલા નાણાંનો ઉપયોગ ઓનલાઇન સટ્ટા માટે કરવામાં આવ્યો હતો. મુંબઈ પોલીસે કોર્ટને જણાવ્યું હતું કે, આ જ કારણે રાજ કુંદ્રાના યસ બેંક ખાતા અને યુનાઇટેડ બેંક ઓફ આફ્રિકા ખાતા વચ્ચેના વ્યવહારોની તપાસ કરવાની જરૂર છે. રાજ કુંદ્રાને સોમવારે રાત્રે કેટલાક મોબાઇલ એપ્લિકેશન દ્વારા અશ્લીલ ફિલ્મો બનાવવા અને પ્રકાશિત કરવાના આરોપમાં મુંબઇ પોલીસે ધરપકડ કરી હતી. મુંબઈ પોલીસે માહિતી આપી હતી કે તેની ક્રાઇમ બ્રાંચના પ્રોપર્ટી સેલે ગુનામાં કથિત સંડોવણી બદલ કુંદ્રા સહિત કુલ 11 લોકોની ધરપકડ કરી છે. “તે મુખ્ય કાવતરું કરનાર હોવાનું જણાય છે. આ અંગે અમારી પાસે પુરતા પુરાવા છે.” તેમ મુંબઈ પોલીસ કમિશનર હેમંત નગરાલેએ જણાવ્યું હતું. અશ્લીલ ફિલ્મો બનાવવા અને એપ્સના ઉપયોગ અંગે ફેબ્રુઆરી 2021 માં ક્રાઇમ બ્રાંચ મુંબઈમાં કેસ નોંધવામાં આવ્યો હતો
આગળની પોસ્ટ