દેશમાં કોરોનાની સ્થિતિ સતત બગડી રહી છે. હાલમાં જ સરકાર તરફથી જારી ડેટામાં જણાવવામાં આવ્યું છે કે ગયા સપ્તાહમાં દેશના ૨૪ રાજ્યોમાં પોઝિટિવિટી રેટ ૧૫% વધુ રહ્યો. ગયા બે સપ્તાહમાં ૩૦ જિલ્લામાં કેસોમાં ઝડપથી વધારો થયો. અધિકારીઓએ જાણકારી આપી કે દેશમાં સાત રાજ્યો એવા છે, જ્યાં ગયા સપ્તાહમાં પોઝિટિવિટી રેટ ૩૦% અથવા એનાથી વધુ રહ્યો. સ્વાસ્થ્ય મંત્રાલયે આ આંકડાને ચિંતા કરવા વાળા ગણાવ્યા.સ્વાસ્થ્ય મંત્રાલયમાં અતિરિક્ત સચિવ આરતી આહુજાએ કહ્યું કે ૭ રાજ્યોમાં ૩૦%થી વધુ પોઝિટિવિટી રેટ નોંધાયો છે. એમાં ગોવા(૪૮.૫), હરિયાણા(૩૬.૧), પોન્ડિચેરી(૩૪.૯), પશ્ચિમ બંગાળ(૩૩.૧) અને કર્ણાટક, દિલ્હી રાજસ્થાન(૨૯.૯)ના નામ સામેલ છે. તેમણે કહ્યું કે, ‘કેસ પોઝિટિવિટી આ વખતે મોટો સંકેત છે કે આ સમયે મામલા કેવી રીતે ફેલાઈ રહ્યા છે.તેમણે જણાવ્યું, ‘આ સમયે ત્રણ રાજ્યમાં પોઝિટિવિટી રેટ ૫%થી ઓછો છે, ૯ રાજ્યમ આ આંકડા ૫થી ૧૫% વચ્ચે છે.’ આહુજાએ કહ્યું, ’૨૪ રાજ્યમાં ૧૫%થી વધુ પોઝિટિવ છે. આ દેશ માટે ચિંતાની વાત છે.દેશના ૧૨ રાજ્ય અને કેન્દ્ર શાસિત પ્રદેશ જમ્મુ-કાશ્મીરમાં રોજ કેસોની સંખ્યા વધી રહી છે. અતિરિક્ત સચિવ મુજબ, એમાં કર્ણાટક, કેરળ, આંધ્ર પ્રદેશ, તામિલનાડુ, પશ્ચિમ બંગાળ, બિહાર, હરિયાણા, ઓડિશા, ઉત્તરાખંડ, પંજાબ, આસામ અને હિમાચલ પ્રદેશનું નામ સામેલ છે.ત્યાં જ દેશના ૩૦ જિલ્લા એવા છે, જ્યાં સપ્તાહ-દર-સપ્તાહ કેસ વધી રહ્યા છે. એમાં કેરળનના ૧૦ જિલ્લામાં-કોઝિકોડ, એર્નાકુલમ, થ્રિસુર, માલપ્પુરમ, તિરૂવનંતપુરમ, કોટ્ટાયમ, અલપ્પુઝા, પલક્કડ, કોલ્મ અને કન્નુર છે. આંધ્ર પ્રદેશના ૭ જિલ્લા-ચત્તુર, પૂર્વ ગોદાવરી, શ્રીકાકુલમ, વિશાખાપટ્ટનમ, કુર્નુલ, ગુંટુર અને અનંતપુર નામ છે. કર્ણાટકના ત્રણ જિલ્લા- શહેરી બેંગ્લોર, મૈસુર અને ટુમકુરૂ નામ સામેલ છે.એ ઉપરાંત હરિયાણા(ગુરુગ્રામ, ફરીદાબાદ), પશ્ચિમ બંગાળ(નોર્થ ૨૪ પરગના, કોલકાતા) અને મહારાષ્ટ્ર(સતારા, સોલાપુર)ના બે-બે જિલ્લામાં કેસો વધી રહ્યા છે. આ ૩૦ જિલ્લામાં ચેન્નાઇ, પટના અને ખુર્દા સામેલ છે.
૭ રાજ્યોમાં ૩૦% થયો પોઝિટિવિટી રેટ
